சென்னை மாவட்ட நிலங்களின் வகைப்பாடும், பதிவும்:-

சென்னை மாநகரில் நிலங்கள் பொதுவாகப் பதிவு செய்யப்பட்டிருக்கும் முக்கிய தலைப்புகள் பின்வருமாறு:-

1. 1851-ன் தமிழ்நாட்டு சட்டம் 12-ன் கீழ் விதிக்கப்பட்ட மாற்றமுடியாத ஒரு விடுவரியின் (quit rent) கீழ் சொந்தமான நிலங்கள்.

2. G.O.Ms.No.758 Revenue dated 10.03.1914-ன் கீழ் விதிக்கப்பட்ட மனைத்தீர்வை (ground rent) செலுத்தி வரும் நிலங்கள்.

3. அரசுக்குச் சொந்தமான தனி நபர்களுக்கோ / மாநகராட்சிகோ வழங்கப்பட்ட தற்காலிக குத்தகையின் கீழ் உள்ள குத்தகைத் தீர்வை செலுத்து நிலங்கள்.

4. G.O.Ms.No.51 Revenue dated 04.01.1918-ன் கீழ் 25 ஆண்டுகளுக்கான தீர்வையினைச் செலுத்தி, வரி வருவாய்-னை பூர்த்தி செய்து விட்ட நிலங்களும், நிரந்தர வரியில்லாச் சான்றின் கீழ் உரிமை பெற்ற நிலங்கள்.

5. அறம், சமயம் மற்றும் இதர காரியங்களுக்காக கட்டு வரம்புள்ள விதிவிலக்குகளின் கீழ் உள்ள முன்னால் ஆற்காட்டு நவாப்பின் குடும்பத்தார் பயன்படுத்தி வரும் (அ) அரசால் ஒப்புதல் அளிக்கப்பட்ட, நிலவரி விதிப்புக்கு விலக்கு, நிலக்கிழார் உரிமையுள்ள, சில நிலக்கிழார்களின் நேரடியான வழி முறையினரின் பயன்பாட்டில் உள்ள நிலங்கள்.

6. "மாநகராட்சி-பொது" (Corporation Public) என்று பதிவு செய்யப்பட்ட சாலைகள், சாக்கடை முதலிய நிர்வாக காரியத்திற்காக நகராட்சிக்கு சட்ட உரிமை அளிக்கப்பட்ட அரசு நிலம் - தனியார் தெருக்கள்.

7. வாங்கப்பட்ட அல்லது தனிப்பட்ட சொந்தக்காரரால் மாநகராட்சிக்கு ஒப்படைக்கப்பட்ட அல்லது தன் பொறுப்பில் இருக்கும் பணத்தைக் கொண்டு நிலஎடுப்புச் சட்டத்தின் கீழ் எடுக்கப்பட்டு "மாநகராட்சி - சொந்தம்" என்று பதிவு செய்யப்பட்ட நிலம்.

8. இரும்புப் பாதைத்துறை, துறைமுக நம்பகம் (Fort Trust) முதலியவைகளுக்கு மாற்றப்பட்ட நிலங்கள்.

9. பல்வேறு அரசுத் துறையின் பொறுப்பில் உள்ள நிலங்கள்.