Dr. Muthulakshmi Reddy Memorial Inter-Caste Marriage Assistance Scheme

தமிழக அரசு ஏழை, எளிய மக்களுக்கும், சமுதாயத்தில் நலிவுற்ற பிரிவினருக்கும் பல்வேறு நலத்திட்டங்களை செயல்படுத்தி வருகிறது. இதில் சமூக நலத்துறையின் மாவட்ட சமூகநல அலுவலகம் மூலம் செயல்படுத்தும் திட்டம் மருத்துவர் முத்துலட்சுமி ரெட்டி நினைவு கலப்பு திருமண உதவித் திட்டம்:-

நோக்கம்:- சமுதாய வேறுபாடு நிலையில் பிறப்பு அடிப்படையிலான சாதி, இன வேறுபாட்டை அகற்றி, தீண்டாமை எனும் கொடுமையை ஒழித்தல்.

வழங்கப்படும் நிதிஉதவி:-

திட்டம்-1: ரூ.25,000/- வழங்கப்படுகிறது (இதில் ரூ.15,000/- காசோலையாகவும், ரூ.10,000/- தேசிய சேமிப்பு பத்திரமாகவும்) மற்றும் திருமாங்கல்யம் செய்வதற்காக நான்கு கிராம் (1/2 சவரன்) 22 காரட் தங்க நாணயம்.

திட்டம்-2: ரூ.50,000/- வழங்கப்படுகிறது (இதில் ரூ.30,000/- காசோலையாகவும், ரூ. 20,000/- தேசிய சேமிப்பு பத்திரமாகவும்) மற்றும் திருமாங்கல்யம் செய்வதற்காக நான்கு கிராம் (1/2 சவரன்) 22 காரட் தங்க நாணயம்.

பயன்பெறுபவர்:- கலப்புத் திருமணம் செய்து கொள்ளும் தம்பதியருக்கு வழங்கப்படுகிறது.

தகுதிகள்:-

பிரிவு-1:- தம்பதியரில் எவரேனும் ஒருவர் ஆதிதிராவிடர் அல்லது பழங்குடியினராக இருந்து பிற இனத்தவரை மணந்து கொண்டால் நிதியுதவி வழங்கப்படும்.

பிரிவு-2:- புதுமணத் தம்பதியரில் ஒருவர் முற்பட்ட (இதர) வகுப்பினராகவும், மற்றொருவர் பிற்படுத்தப்பட்ட / மிகவும் பிற்படுத்தப்பட்ட வகுப்பினராக இருந்தால் நிதியுதவி வழங்கப்படும்.

1. கல்வித்தகுதி:-

திட்டம்-1: கல்வித் தகுதி ஏதும் தேவையில்லை.

திட்டம்- 2

      (i) பட்டதாரிகள், கல்லூரியிலோ அல்லது தொலை தூரக்கல்வி மூலமாகவோ அல்லது அரசால் அங்கீகரிக்கப்பட்ட திறந்தவெளி பல்கலைக் கழகங்களிலோ படித்து தேர்ச்சி பெற்று இருத்தல் வேண்டும்.

      (ii) பட்டயப் படிப்பு (Diploma) எனில் தமிழக அரசின் தொழில்நுட்ப கல்வி இயக்குனரகத்தால் அங்கீகரிக்கப்பட்ட கல்வி நிறுவனங்களில் படித்து தேர்ச்சி பெற்றிருத்தல் வேண்டும்.

இணைக்கப்படவேண்டிய சான்றுகள்:-

      1) திருமண அழைப்பிதழ் மற்றும் திருமண புகைப்படம்

      2) வயதிற்கான சான்று (நகல்)

      3) தம்பதியரின் சாதி சான்று மற்றும் இருப்பிட சான்று (நகல்)

அணுகவேண்டிய அலுவலர்:-

      மாவட்ட சமூகநல அலுவலர், ஊராட்சி ஒன்றிய வட்டார வளர்ச்சி அலுவலர்